viernes, 14 de diciembre de 2012

COMPETICIÓN E ADESTRAMENTOS 14-12-12

Este sábado participaremos na primeira xornada da Liga 2.012-13 en Cerceda. Chamamos a vosa atención sobre varias cousas:

- O quecemento é as 9.00 h e o comenzo da competición será ás 10.00 h. Todos os deportistas do club teremos que estar na piscina ás 9.20 h. como límite, xa que ás 9.30 h. temos que confirmar a asistencias dos deportistas ou dar as baixas.

- Kati concertóu co restaurante Tio Pepe un xantar. O prezo do menú é de 10 € (para deportistas ou pais) Os que queiramos acudir debemos falar con ela para confirmar a reserva.

Lembramosvos que este sábado haberá adestramento de maiores en Caldas. Se o calendario non se modifica, cando haia competicións de maiores, os pequenos terán adestramento.


lunes, 10 de diciembre de 2012

PRIMEIRA XORNADA DA LIGA 2012-13

O vindeiro sábado 5 de decembro desputarase en Cerceda a primeira xornada da liga galega de Salvamento Acuático.
Como xa sabedes, esta temporada só haberá duas xornadas de ligas de augas pechadas e duas de augas abertas, pero que se prolongarán durante a mañá e a tarde.
Os deportistas de categoría alevín realizarán duas probas individuais e os infantís e cadetes tres. Ademáis realizaranse as probas de equipos.

Lembramos a importancia de que no caso de que non podades participar na competición, avisedes ata o martes 11 chamando á piscina de Caldas. En caso contrario estaredes inscritos e contaremos con vos para as probas individuais e os relevos. De estar inscritos e non participar o club recibirá sancións por realizar inscripcións incorrectas.

Os xuveniles, xuniors e seniors desputarán a súa primeira xornada o sábado 22 de decembro.

domingo, 9 de diciembre de 2012

O PRESISENTE XA TEN CARNÉ

Comunicase a todos os socios a importante nova de que D. Javier Magariños Alende, presidente do club, ven de acadar un novo carné.
Ata o momento o noso presidente era poseedor de numerosos carnés, coma o carné do partido, o carné da peña celtista de Moraña, o carné de socorrista, o carné de mariscador, o carné de protección civil, ou o carné de manipulador de alimentos.
A todos estes agora suma un novo, que parecíamos desexar todos os socios máis que el mesmo: o carné de conducir vehículos automóbiles.
Noraboa Presidente !!!

domingo, 2 de diciembre de 2012

CEA E RECOÑECEMENTOS FESSGA

Este sábado día 1 de decembro, coincidindo co Congreso Internacional de Salvamento e ca Xornada de augas pechadas Aecsa para categorías infantil e cadete, celebrouse en Carballo a Cea anual da Fessga, que este ano ademáis de incluir os recoñecememtos ós mellores deportistas de cada categoría da temporada 2011-12, concedeu os premios con motivo dos 15 anos de refundación da Fessga.
A cea celebrouse no Hotel Punta del Este.

O presidente co mellor árbitro

Os premios entregados ós membros do club foron:

- Dani Suárez foi recoñecido como mellor deportista da categoría xuvenil masculina da temporada 2.011-12 e recolleu unha placa e un agasallo conmemorativo.

David acompañando a Dani

Pais orgullosos

- Durante a cea tamén se entregaron premios do circuito Aecsa da pasada temporada. Antía Domínguez acadóu o segundo posto na categoría cadete feminina. En este caso levouse un agasallo "en efectivo": Un par de aletas de fibra.

- En canto ós premios dos 15 anos da Fessga o club Umia estaba entre os tres nominados na categoría de mellor club de esta época. Finalmente o premio foi para o club Sapo.

- Un premio importante relacionado co noso club foi o concedido á institución que mellor colaborou co Salvamento en Galicia que lle foi concedido ó Concello de Caldas de Reis polo seu apoio ó Club Umia e ó Salvamento galego en xeral. Tamén debemos salientar o premio ó mellor árbitro concedido a Carlos Rey, exdeportista e exadestrador do noso club.

Na foto de esda. a dta.: Rubén Fdez (cas aletas de Antía), Javier Magariños (que recolléu e mostra a placa de recoñecemento ó Concello de Caldas), Silvia Seoane (co seu recoñecemento á mellor traxectoria deportiva), Carlos Rey (co seu ó mellora árbitro) e Xavi Calvo (cas mans no lombo)

COMPETICIÓN AECSA

Este sábado 1 de decembro desputouse na Piscina de Carballo a primeira competición da temporada. En este caso non se tratóu de unha proba da Fessga senón de unha proba organizada por AECSA só para categorías infantil e cadete. A xornada fíxose un pouco longa pola asistencia de un elevado número de participantes.
Finalmente tamén poideron participar deportistas de categoría alevín, así que moitos deportistas do noso club participaron por primeira vez en unha competición de salvamento.
A pesar do precipitado da convocatoria, dos nervios iniciais, e de facer probas de unha categoría superior os máis pequenos realizaron un papel extraordinario.
O resultado máis destacado da xornada foi o primeiro posto de Antía García Silva na proba de 50 m. Rescate do manequín con aletas.

viernes, 23 de noviembre de 2012

PRIMEIRA COMPETICIÓN

O vindeiro sábado día 1 de decembro de 2.012 vaise desputar en Carballo unha competición únicamente para categorías infantil e cadete que se chama Open Aecsa. O quecemento será ás 16.00 h e a competición empezará ás 17.00 h.

A pesar do pouco tempo do que dispoñemos dende a convocatoria, o club decidíu participar. Por iso temos que axilizar as inscripcións.

As probas a desputar son:

- 50 m. rescate do manequín con aletas (ambas categorías)
- 50 m. socorrista (infantil)
- 100 m. supersocorrista (cadete)
- 4 x 12,5 relevo de remolque do manequín (ambas categorías)
- 4 x 50 m. relevo con flopi (ambas categorías)

Para preparar esta competición é moi importante que todos os deportistas das categorías infantil e cedete acudades este sábado ó adestramento.

Recordade que se alguén non pode ir a esta competición debe comunicarllo este sábado ós adestradores ou como límite chamar o luns á piscina de caldas (986 54 08 31). De non avisar seredes inscritos para a competición e incluídos nos equipos.


viernes, 9 de noviembre de 2012

PEDIDO DE ALETAS

Un grupo de deportistas está interesado en comprar aletas de fibra. Como xa sabedes, facer estes pedidos é bastante complicado e adquirir un número reducido encarece os prezos polos costes de envío.  Por iso trataremos de facer unha compra conxunta. Así que todos os que estedes interesados en comprar aletas, poñédevos en contacto canto antes con Xurxo Vieites, que fará o encargo.