INFORME DA ASAMBLEA XERAL DO 26-10 12

A continuación presentase a xeito de acta un resumo da primeira Asamblea Xeral de socios do Club Umia da temporada 2.012-13 celebrada no Auditorio da Casa da Cultura de Moraña.

DOCUMENTACIÓN PARA AS LICENCIAS

Lembramos que precisamos con urxencia a seguinte documentación para tramitar as licencias deportivas de esta temporada:

- Ficha de renovación da licencia deportiva Fessga 2.012-13 cumprimentada (se non a tendes podedes vaixala da páxina da fessga en novidades, licencia deportiva)

- Fotocopia ben lexible do voso DNI, no caso de que o que entregarades a pasada temporada estea caducado (isto é mi importante. Se non estadades seguros mellor que traiades unha copia nova)

Esta documentación podedes entregala na Estrada ou en Caldas durante esta semana ou directamente o venres 26 durante a Asamblea.

ASAMBLEA XERAL

Comunicámosvos que o Presidente do club convocóu unha asamblea Xeral para o vindeiro venres 26 de outubro ás 21.30 h. (única convocatoria) na Casa da Cultura de Moraña ca seguinte orde do día:

- Informe do presidente.
- Estado de contas.
- Elección de nova Xunta Directiva.
- Presentación da nova temporada.
- Rogos e preguntas.

Agradecese que todos fagamos un esforzo e tratemos de estar presentes.

CURSO DE SOCORRISTA EN CALDAS

Ola a todos !

Comunicámosvos que posiblemente a Fessga imparta un curso de Socorrista na Piscina de Caldas. O curso está a ser promovido polo club de Vilagarcía.

O curso empezaría moi proximamente e tería que certa presa porque debería estar rematado antes do fín de este 2.012, para poder ser convalidado directamente pola AGSS.

Como vai dirixido a deportistas da Fessga, pode ser realizado de xeito excepcional por deportistas que teñan cumplidos os 16 anos.

Se hai alguén que se anime despóis da experiencia do anterior, o mellor é que vos poñades en contacto directamente ca Fessga.

CHARLA DO PRESIDENTE COS DEPORTISTAS

O sábado 6 de outubro, despóis do adestramento realizado na Piscina de Caldas, o presidente do club, Javicho Magariños, mantivo unha charla cos deportistas.

En esta charla agradecéu ós deportistas a campaña realizada a temporada anterior e aproveitóu para trasladar ó grupo as felicitacións enviadas pola Presidenta da Federación Española ó noso club polos resultados acadados nos Campionatos de España.

Tamén aproveitóu para darlles ánimos para afrontar a temporada e ofreceuse no nome propio e da directiva a traballar para poñer os medios para que o club poida desputar todas as competicións e apoiar a aqueles deportistas que acaden as marcas mínimas para participar nos Campionatos de España.