Este sábado 14 de abril disputouse a 1º xornada de liga de augas abertas en Silgar cun balance moi positivo para os nosos deportistas.
En categorías inferiores cabe suliñar a actuación de Matías Rivadulla cun 1º posto en Sprint, un 2º en Bandeiras e un 3º en nadar surf, colocándose 2º na Xeral. Por outra banda Estebán Ferreiro acadou un 3º posto en Bandeiras, e Miguel Fariña un 3º posto en Sprint.
En relevos, tanto o equipo cadete masculino como o equipo cadete feminino conseguiron o 1º posto no relevo sprint praia.
En categorías superiores a máis destacada foi Nuria García conseguindo o 1º posto na Xeral empatada a puntos con Antía de la Fuente (SAL). Laura Mirás conseguiu poñerse 2º na Xeral gañando Bandeiras por enésima vez. Manuel Fariña acadou un meritorio 1º posto en Sprint mentres que en Bandeiras un erro de principiante deixouno fora da loita polos primeiros postos. Daniel Suarez acadou un 2º posto en Bandeiras, e Manuel Pereira e Yoseba Cabo un 2º e 3º posto en Sprint.
En relevos o equipo Xunior masculino coronouse no 1º posto e o feminino acadou un 3º posto.
Ánimo rapaces comezamos ben.
No hay comentarios:
Publicar un comentario